Güstrowko jauregia

Güstrowko jauregia
	Staatliches Museum Schwerin
	Irudi gehiago
Kokapena
Estatu burujabe	Alemania
Alemaniako estatua	Mecklenburg-Aurrepomerania
Rural district of Mecklenburg-Vorpommern	Rostock barrutia
Alemaniako hiri-udalerri	Güstrow
Koordenatuak	53°47′27″N 12°10′37″E / 53.79084°N 12.17706°E
Historia eta erabilera
Irekiera	1558
Arkitektura
Estiloa	pizkundetar arkitektura
Ondarea

Güstrowko jauregia (alemanez: Schloss Güstrow) Pizkunde garaiko eraikina da. Güstrown dago, Rostock barrutiaren hiriburua, Alemaniako Mecklenburg-Aurrepomerania estatuan. Gaur egun museoaren eta kulturgunearen erabilera ematen zaio. Ulrich III.ak 1558an eraiki zuen. Güstrowren hiri zaharretik eta harresietatik gertu dago. Jauregiak XVI. mendeko apaingarriak erakusten ditu. Ondoan, Barroko estiloko zaindariaren etxea dago.^[1]

Historia

Pizkundeko jauregi hau Erdi Aroko beste baten gainean egin zen. Ulrich III.ak 1558an eraiki zuen. Franciscus Pahr maisu-eraikitzailea izan zen, estilo desberdinak nahastuz: italiarra, frantsesa eta alemana; ezaugarri hau berritzailea izan zen oso.

1657an, Gustavo Adolfo, Güstrowko azken dukea, Charles Philippe Dieussart arkitektua kontratatu zuen. Helburua jauregiari aire modernoago ematea zen. Garai horretan zaindariaren etxea eta jauregiko zubia eraiki ziren, biak barrokoko estiloan. 1817tik 1950era, dukearen kontrola amaituta, etxalde moduan Mecklemburgoko langileei ostatu emateko erabili zen. 1963tik 1978ra jauregia berreskuratzeko lanak aurrera eraman ziren, berriro ere eraikinari jatorrizko handitasuna emateko.

Ezaugarriak

Jauregiak laukizuzen itxura du. Güstrowko leinua Magdalena Sybillaren heriotzarekin gertatu zen eta, ondoren, altzariak beste tokietara eraman ziren. Eraikinaren alde batean ondo kontserbatuta dauden margolan flamenkoarrak ikus daitezkeen. Halaber, ondo kontserbatutako antzokia dago eta bertan ere margolan interesgarriak ikus daitezke. Jatorrizko estukoko sabaiak ere oso ondo daude. Interesgariak direa ere Oturuntzen gelan gordetzen diren ehiza-eszenak, grabatzaile herberetarren kobrez egindako lanetan oinarrituta. Badira ere Erdi Aroko logelak eta haietan garaiko objektuak erakusten dira. Azpimarratzekoak dira Lucas Cranach Zaharraren margolanak harrerako logeleetan.

Jauregiaren inguruan oso lorategi zaindua ezagutu daiteke.

Museoa

Museoak Elixabete Sofia Mecklenburgekoaren familiarekin lotutako erakusketa finkoa erakusten du.^[2] Halaber, kontzertuak eta beste erakusketak antolatzen dira.